Philippe Rebord daventa nov schef da l'armada svizra

Il Cussegl federal ha nominà per quest post il divisiunari da 59 onns.

Philippe Rebord, il nov schef da l'armada svizra.

Legenda da maletgs: Philippe Rebord è il nov schef da l'armada svizra. Keystone

Rebord ha il dretg da burgais da Bovernier en il Vallais e da Losanna en il chantun Vad. El è maridà ed ha duas figlias creschidas. Il nov schef da l'armada ha studegià istorgia, geografia e franzos a l'universitad da Losanna. Il schaner 1985 era el entrà en il corp d'instrucziun da l'infantaria. Il 2009 aveva il Cussegl federal nominà el sco cumandant da la brigada d'infantaria 2 e promovì el sco brigadier. Il matg 2014 ha el lura survegnì il stadi da divisiunari ed è vegnì nominà sco cumandant da la scolaziun dal cader superiur.

Philippe Rebord entra en uffizi l'emprim da schaner 2017. El succeda ad André Blattmann che va en pensiun sin la fin da mars.

RR novitads 14:00