La sonda aveva il president da la PS Christian Levrat attatgà Cassis, suenter che quel aveva fatg public sias ponderaziuns, sche las mesiras da sustegn per proteger las pajas svizras na possian betg vegnir adattadas.
Gist sco tessinais na vegnia betg endament a Cassis da stritgar talas mesiras flancantas. La protecziun da paja saja in tema enorm impurtant en il Tessin ed er ils auters chantuns da cunfin, ha ditg Petra Gössi. I stoppia dentant esser pussaivel da pudair ponderar novs process e novas tecnologias, damai che l'UE n'acceptia betg la posiziun da la Svizra en questa dumonda.
Ord vista liberala dettia sa chapescha retegnientschas envers mesiras flancantas. Ma sco cuntrapais a la libra circulaziun da persunas garanteschian quellas la pasch en l'intern dal pajais, ha ditg Gössi.
RR novitads 09:00