Siglir tar il cuntegn

Header

Navigaziun

Demonstrants cun plachat.
Legenda: Ils iniziants da la petiziun han rimnà 32'000 suttascripziuns. Keystone
cuntegn

Svizra Petiziun cunter serrar agenturas da bigliets

L'Associaziun traffic ed ambient (VCS) cumbatta la decisiun da l'SBB da serrar tut las agenturas da bigliets terzas.

Cun ina petiziun pretenda il VCS che las Viafiers federalas svizras retirian questa decisiun. Radund 32’000 persunas han suttascrit la petiziun ch'è vegnida surdada mesemna a Berna. Quella vegn tranter auter er sustegnida d'organisaziuns per persunas cun impediments.

Cun la decisiun da l'SBB svanissan 52 u in quart da tut ils posts da vendita da bigliets en Svizra. Uschia vul l’SBB spargnar mintg'onn 5 milliuns francs. Quai correspundia a las provisiuns ch’ella stoppia pajar a ses partenaris, uschia l’SBB vinavant.

En vista ad in budget da stgars 9 milliardas francs ad onn saja quest respargn dentant fitg pitschen, argumentescha il VCS.

RR novitads 12:00