Peter Spuhler aveva cumprà il 1989 la firma da la Turgovia per radund 4,5 milliuns francs. Lura dumbrava l'interpresa anc 18 collavuraturs - oz èn quai passa 7000. Cun ina cumpart da las aczias da 80% resta l'anteriur cusseglier naziunal da la PPS proprietari principal da Stadler.
Sin l'entschatta da l'auter onn surpiglia Thomas Ahlburg la responsabladad operativa dal concern. Ahlburg maina dapi il 2012 il pli grond manaschi da la gruppa Stadler a Bussnang ed è il suppleant dal schef da gruppa. Ahlburg ha 47 onns ed è inschigner.
RR novitads 09:00