Siglir tar il cuntegn
Inhalt

Svizra Pesticids na sa laschian betg evitar

Per che la fritga e la verdura è d'auta qualitad cura ch'ella riva tar nus en il charret da cumpras datti perscripziuns che dian precis co ch'ella sto vesair ora. E sche las perscripziuns na vegnan betg tegnidas en, sche lura na dastga il pur betg vender ses products.

Legende: Audio Saira: Uniun purila svizra – Pesticids na sa laschan betg evitar abspielen. Laufzeit 02:42 Minuten.
02:42 min, Actualitad dals 21.06.2017.

Ina pluna, per pigliar precis var 5'000 salatas ha il pur Pascal Occhini stuì metter oz sin il mantun da cumpost. Singulas salatas avevan ina feglia marscha ed ina salata aveva èn ina rasulauna. La salata pon ins mangiar ma betg vender.

La confidenza tranter pur e consument duai vegnir rinforzada. Sch'il consument savess pli precis tge ch'i vul tut per producir, lura cumprass el forsa era ina salata cun en ina rasulauna.
Autur: Pascal OcchiniPur dad Ins

Ils consuments sajan disà l’aut standard da fritga e verdura en ils regals da las butias. Per pudair producir tant sco quai ch'i dovra ed uschia sco quai ch’ils consuments spetgan ils products na sa laschan pesticids betg evitar.

Senza pesticids stuess il consument esser pront da pajar dapli per ils products ed era stuessan nus importar bler dapli da l'exteriur.
Autur: Markus RitterCusseglier naziunal e president dals purs svizzers

Pussaivel fissi dad evitar pesticids. Dentant custass quai bler dapli ed era stuess ins importar dapli da l'exteriur perquai che la racolta na fiss betg pli segira ed influenzada fitg da l'aura e da las circumstanzas, di il president dals purs svizzers Markus Ritter. Per el saja quai impurtant ch'i vegn duvrà pesticids mo là nua ch'i fa da basegn: Uschè pauc sco pussaivel, dentant tant sco i dovra.

RR actualitad 17:00

Pesticids en l'aua

Las pli novas datas da l’observaziun naziunala d’aua sutterrana, «Naqua» fan quitads. Tar mintga tschintgavla emprova d’aua è vegnì constatà ina concentraziun memia auta da pesticids ubain dals products da decumposiziun da quels. En territoris cun in’agricultura intensiva era la limita schizunt surpassada tar 70% da las emprovas d’aua.