Siglir tar il cuntegn

Header

cuntegn

Pervia da cunvegna da basa SBB na po betg far part al program da perscrutaziun da l'UE

Il vi e nà da la Svizra e l'Uniun europeica davart las tractativas davart la cunvegna da basa, ha consequenzas per las Viafiers federalas. La SBB na po almain per il mument betg far part dal program da perscrutaziun da l'UE «Europe's Rail Joint Undertaking.»

Sco ina pledadra da la SBB ha confermà a la NZZ, haja la cumissiun da l'UE sistì la participaziun svizra. Pir cura che la Svizra haja pajà la segunda contribuziun da coesiun, saja l'UE pronta per discurs.

Cun il program duaja il traffic sin rodaglias vegnir pli cumpetitiv e la transfurmaziun digitala ed ecologica duai vegnir promovida. Per la Svizra fissi impurtant da pudair profitar da talas perscrutaziuns per vinavant pudair concurrenzar sin la fiera.

audio
Per tadlar curt e cumpact
ord RTR Audio dals 04.05.2021.
laschar ir. Durada: 1 minuta 6 Secundas.

RTR novitads 12:00

Artitgels legids il pli savens