Siglir tar il cuntegn

Header

cuntegn

Pervia da chareschia Cussegl naziunal vul adattar la renta d'AVS

En ina debatta extraordinaria ha il Cussegl naziunal debattà davart mesiras per far frunt a la chareschia. La moziun da l'Allianza dal Center per la cumpensaziun da chareschia per rentas da l'AVS e la moziun da la PS per dapli reducziun da las premias èn vegnidas approvadas.

I è uss da gidar a quels che han gia pauc.
Autur: Jon Pult Cusseglier naziunal PS

Forsa ch'in u l'auter bada gia ch'i restan pli paucs daners en la bursa la fin dal mais. L’inflaziun è per il mument tar 3.5% ed ils pretschs d’electricitad creschan en tut la Svizra. En las proximas emnas vegnan era communitgadas las tariffas per las premias da las cassas da malsauns. Prognosas da Santésuise, l’organisaziun da tetg da las cassas da malsauns, prevesan ch'ils custs creschian per var 10%. Uschia che bleras persunas pudessan vegnir en las stretgas cun pajar tut ils custs. Perquai debattescha  il Cussegl naziunal davart las pussaivlas mesiras.

I è da gidar, mabain betg dad exagerar.
Autur: Martin Candinas Cusseglier naziunal AdC

Il cussegl ha uss votà per duas mesiras per mantegnair la capacitad da cumpra:

  • Retschaviders e retschavidras da l'AVS survegnan l'onn che vegn ina cumpensaziun da chareschia plaina per lur pensiuns. Il Cussegl naziunal ha approvà ina moziun da l'Allianza dal Center cun 99 cunter 92 vuschs
  • La Confederaziun augmenta sia contribuziun per la reducziun da las premias da cassas da malsauns per 30%. Il Cussegl naziunal ha approvà ina moziun da la PS cun 97 cunter 95 vuschs.
A curta vista fissi da scursanir las taxas sin ieli e benzin
Autur: Magdalena Martullo-Blocher Cussegliera naziunala PPS

Tut las cuntrapropostas da la PPS n'han gì nagina schanza en la chombra gronda. Quella era sco il Cussegl federal cunter l'adattaziun da las rentas d'AVS. La PPS aveva proponì da laschar davent ina part da la taglia sin ieli ni benzin per mantegnair la capacitad da cumpra. 

Proxim’emna cuntinua la debatta en il Cussegl dals chantuns.

audio
Il Cussegl naziunal discuta tge far per la capacitad da cumpra
ord Actualitad dals 21.09.2022.
laschar ir. Durada: 3 minutas 27 Secundas.

RTR novitads 11:00;

Artitgels legids il pli savens