Siglir tar il cuntegn

Header

Navigaziun

Broschuras da differentas cassas da malsauns sin maisa
Legenda: Cun quai che las premias da las cassas da malsauns vegnan adina pli charas han las chasadas damain daners a disposiziun per consumar u spargnar. Keystone
cuntegn

Svizra Pervia da cassas da malsauns: chasadas han damain daners

Quest onn èn las premias da las cassas da malsauns creschidas per 3% cumpareglià cun l’onn passà. Tras quai è il capital che stat a disposiziun a las singulas chasadas sa sminuì per 0,2%, scriva l'Uffizi federal per statistica. Quai vul dir che las chasadas han damain daners per consumar u spargnar.

Las cifras da l’Uffizi federal da statistica mussan, che las premias per l’assicuranza da malsauns da basa èn s’augmentadas per 4,8%. Quellas per l’assicuranza supplementara da malsauns percunter èn sa reducidas per 2,9%, cumpareglià cun l’onn avant.

Per il tractament a l’ospital è l’assicuranza generala sa reducida per 13,1%. Quella mez privata e la privata percunter èn s’augmentadas per 0,7% respectivamain per 0,6%.

Premias creschan era en l’avegnir

Tenor il portal d’internet Comparis creschan 90% da las premias fundamentalas da la cassa da malsauns er l'auter onn. Circa 1 milliun persunas veglian perquai midar l'auter onn la cassa.

RR novitads 09:00