Siglir tar il cuntegn

Header

cuntegn

Pervi dad investiziuns scortas La citad da Baden gudogna il Premi Wakker 2020

L’Uniun svizra per la protecziun da la patria undrescha la citad da Baden cun il Premi Wakker. Malgrà il traffic – che crescha – haja la citad en il chantun Argovia stgaffì spazis publics libers ed uschia reconquistà la qualitad da vita, hai num en ina communicaziun da l’Uniun per la protecziun da la patria.

Baden haja investì durant onns en la valurisaziun da plazzas e vias. L’engaschi per spazis publics libers sa mussia a Baden era en il respect envers curtins e parcs istorics. Il premi Wakker 2020 vegn surdà uffizialmain la fin da zercladur.

RTR novitads 14:00