Svizra - Pervi da Brexit: l'aczia da la CS croda sut 10 francs
Las aczias da la banca svizra Credit Suisse èn per l'emprima giada crudadas sut 10 francs. Las aczias da la segund gronda banca svizra èn crudadas oz marvegl sin il stan da record da 9,91 francs.
La decisiun dals Brits da sortir da l'Uniun Europeica sco era ils quitads dal sectur da bancas talian (che sto purtar in culm da credits problematics) han gia ils dis passads turmentà il sectur da finanzas e las bursas. Quest onn han ils acziunaris da la CS pers fin ussa 51%.
Avant in onn valeva l'aczia da la Credit Suisse anc 26 francs.
