Siglir tar il cuntegn

Svizra Persunal federal è cuntent cun lur patrun

Ils emploiads da l’administraziun federala èn cuntents cun lur patrun e cun lur lavur. Quai demussa l’ultima enquista da l'onn 2017.

Um che lavura en in biro.
Legenda: Persunal federal per gronda part cuntent cun lur lavur, meglierar pudess ins tenor enquista il process da lavur. Keystone

Tenor l'ultima enquista è la cuntentientscha dals emploiads s’augmentada en ils blers secturs cumpareglià cun la davosa enquista avant trais onns. Surtut cuntent è il patrun cun l'attaschament dals emploiads, l'identificaziun ed il engaschament dals emploiads.

Quai che pudess tenor ils emploiads vegnir megliurà è il process da lavur, cumpatibilitad da professiun cun famiglia sco era perspectivas da professiun. Damain cuntents sajan ils emploiads da l’administraziun questa giada dentant cun la paja.

Dumandà 34'000 emploiads

L'enquista vegn regularmain manada atras. Mintga trais onns datti ina enquista totala, ils onns intermediars vegn fatg be dumondas da controlla. Il 2017 han ins scumpartì 34'000 questiunaris, 68% da quels èn turnads.

RR novitads 18:00