La cumissiun da finanzas dal Cussegl naziunal insista sin ina limita fixa da l'effectiv dal persunal da la Confederaziun. Cun 13 cunter 12 vuschs ha ella decidì da restar tar la moziun che pretenda la limita maximala. La maioritad è da l'opiniun ch'il persunal federal stoppia vegnir dirigì sur ils custs e sur il dumber. Ina minoritad è da l'avis che las finamiras sajan gia cuntanschidas.
Il 2015 ha il parlament incumbensà il Cussegl federal da limitar il dumber da persunal sin 35'000 plazzas cumplainas. Il Cussegl federal è dentant persvas che diriger ils custs saja meglier che limitar las plazzas e pretenda perquai da stritgar il postulat correspundent.
RR novitads 16:00