Siglir tar il cuntegn

Header

cuntegn

Svizra Persistenza n'ha nagina prioritad – ni tar bancas ni tar clients

In studi da la Scol'auta da Lucerna ha intercurì quant persistentas che bancas èn. Tenor quai studi è la proporziun tranter il pretsch e la prestaziun impurtanta per ils clients. Els sajan per persistenza, dentant betg tar il banking.

Dapi onns vegnia pretendì quant impurtanta che persistenza saja, la realitad vesia dentant or differenta – ha ditg il manader dal studi, Christoph Lengwiler.

Per la retschertga ha la scol’auta dumandà 73 bancas che fan fatschentas principalmain en Svizra. 43 da quellas bancas n'han uffizialmain betg definì finamiras da persistenza. Ellas offreschan era strusch products persistents ch'investeschan per exempel en aua u energias regenerablas.

Las bancas che offreschian tals products, fetschian quai plitost per ponderaziuns da marketing e pli pauc ord persvasiun, hai num en il studi da la Scol'auta da Lucerna.

RR novitads 12:00

Artitgels legids il pli savens