Siglir tar il cuntegn
Inhalt

Svizra Perdita da 30 milliardas francs

Il ferm franc svizzer procura per ina perdita da milliardas tar la Banca naziunala svizra. Per l'emprim quartal 2015 annunzia la banca in minus da 30 milliardas francs.

logo banca naziunala svizra
Legenda: Perdita da milliardas tar la Banca naziunala svizra en il prim quartal pervi dal ferm franc. Keystone

Suenter l'aboliziun dal curs minimal da l'euro mez schaner, muntia sulettamain la perdita sin las posiziuns da valutas estras passa 29 milliardas, communitgescha la banca.

Sin las reservas d'aur saja sa resultà in minus dad 1 milliarda. Gudogns cun aczias ed emprests hajan però pudì sminuir l'effect negativ sin il resultat.

La perdita da quartal suonda sin in gudogn da record da 38 milliardas francs l’onn 2014. Tge ch’è da spetgar per il 2015 sa lascha be prognostitgar cun resalvas, cunquai ch’il resultat da la Banca naziunala è surtut dependent dal svilup dals martgads dad aur, da devisas e da chapital.

RR novitads 8:00