Siglir tar il cuntegn

Header

cuntegn

Svizra Per la Svizra n'è il Grexit betg uschè nausch

Damian Gliott, expert da finanzas, ha declarà tge che la situaziun en Grezia signifitgescha per la Svizra. Fin uss haja la bursa svizra reagì mudestamain cun in minus dad 1%. Quai dettia era auters dis. Er na dettia ei betg uschè bleras interpresas svizras che sajan activas en Grezia.

audio
Mezdi: Discurs cun Damian Gliott, expert da finanzas
ord Actualitad dals 29.06.2015.
laschar ir. Durada: 4 minutas 10 Secundas.

Il problem na saja betg la Grezia, lezza saja memia pitschna, il problem saja ch'i pudess er tutgar auters pajais sco la Spagna, Portugal ni l'Italia. Aschia vesi ins ch'er in pajais en l'Europa possia ir concurs.

Votaziun è decisiva

Vegni suenter la votaziun dal pievel grec propi tar in Grexit pudessia esser ch'il franc svizzer vegnia anc ina giada pli ferm, e quai na fissi betg bien per il export, per il turissem u per l'industria. Damian Gliott sez ha il sentiment, ch'il pievel grec vegnia ad acceptar las prescripziuns da l'Europa. Uschiglio stuess la Grezia probabel bandunar la zona da l'Euro perquai che nagin na dess pli daners a la Grezia.

Artitgels legids il pli savens