Siglir tar il cuntegn

Header

cuntegn

Per far frunt a l'inflaziun Banca naziunala augmenta tschains directiv

Be paucas uras suenter la FED en ils Stadis Unids augmenta er la Banca naziunala svizra il tschains directiv surprendentamain cler. Quai per in mez punct procentual sin minus 0,25 pertschient.

Questa politica monetara pli severa duaja far frunt a l'inflaziun che creschia er en Svizra. Uschia ha la banca naziunala argumentà sia decisiun. Ed ins na possia betg sclauder ch'i dettia er il proxim temp ulteriurs augments dal tschains directiv. Igl è la prima giada dapi 15 onns che la banca naziunala ha puspè augmentà il tschains. Il cumenzament dal 2015 aveva ella reducì il tschains directiv sin in minimum istoric da -0,75% ed il medem mument abolì il curs minimal da l'euro.

Plinavant ha la banca naziunala punctuà ch'ella intervegnia en la fiera da devisas sche quai saja necessari. L'onn passà aveva ella cumprà valutas estras per passa 21 milliardas francs.

audio
Per tadler: curt e cumpact
ord RTR Audio dals 16.06.2022.
laschar ir. Durada: 1 minuta 12 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga