Siglir tar il cuntegn

Header

video
Per il mument vali nagin obligatori da certificat per ir cun skis
Or da Telesguard dals 19.10.2021.
laschar ir. Durada: 2 minutas 18 Secundas.
cuntegn

Pendicularas svizras Il mument nagin obligatori da certificat per pendicularas

En ils territoris da skis svizzers na vala nagin obligatori da certificat per la stagiun d'enviern che vegn. Tenor las Pendicularas svizras sajan ellas sa cunvegnidas cun la Confederaziun ed ils chantuns da na betg introducir mesiras da segirtad supplementaras il mument. Quai munta ch'i na vala betg in obligatori da certificat, mabain las medemas cundiziuns sco en il traffic public. Pia mascrinas en cabinas serradas e dadens. Ins veglia mantegnair questas mesiras pragmaticas er per il proxim enviern, uschia l'associaziun.

audio
Datti propi nagin certificat per las pendicularas?
ord Actualitad dals 19.10.2021.
laschar ir. Durada: 3 minutas 51 Secundas.

«Giustifitgà da tractar las pendicularas sco il traffic public»

Pendicularas senza certificat saja la soluziun actuala ch'ins haja discutà cun ils auters chantuns da muntogna e la Confederaziun. Sche la situaziun sa pegiurassia dentant, stuess'ins er discutar autras variantas, di Marcus Caduff, il minister d'economia dal Grischun. El è dentant da l'avis ch'i saja giustifitgà da tractar las pendicularas tuttina sco il traffic public. La soluziun cun mascrinas dadens ed en pendicularas serradas saja sa cumprovada l'enviern passà sco er la stad, uschia Caduff.

audio
Marcus Caduff davart nagin certificat en pendicularas
ord Actualitad dals 19.10.2021.
laschar ir. Durada: 2 minutas 56 Secundas.

Experts dal BAG relativeschan

Da gia uss communitgar ch'i na dettia betg in obligatori da certificat tar las pendicularas saja gagliard, uschia ha ditg Patrick Mathys dal BAG sin dumonda da RTR. Ins stoppia vinavant observar la situaziun e decider tut tenor svilup. Plinavant saja chaussa dal Cussegl federal da prender ina tala decisiun e betg chaussa da las pendicularas. Las Pendicularas svizras avevan communitgà mardi ch'i sajan sa cunvegnids cun la Confederaziun ed ils chantuns da desister d'in obligatori da certificat.

video
Il Cussegl federal e betg las pendicularas vegnan a decider
Or da News-Clip dals 19.10.2021.
laschar ir. Durada: 27 Secundas.

Entant ha il cussegl federal prendì posiziun: Nagin certificat obligatori sin las pistas, però senza garanzia.

RTR novitads 14:00

Artitgels legids il pli savens