Siglir tar il cuntegn

Header

Delegads da la PBD vuschan durant la radunanza da delegads.
Legenda: Cleramain encunter: ils delegads prendan posiziun cunter l'iniziativa da la Partida cristiandemocratica. Keystone
cuntegn

Svizra PBD di na ad iniziativa «Per la lètg e la famiglia»

Ils delegads da la Partida burgais-democratica han decis la sonda a Weinfelden las parolas per las proximas votaziuns. Na di la PBD a l'iniziativa «Per la lètg e la famiglia - na als dischavantatgs per pèrs maridads».

Da principi sustegnia la partida l’aboliziun da dischavantatgs per pèrs maridads. Sco raschun per il na a l’iniziativa «Per la lètg e la famiglia» menziunescha la PBD però, che massivas entradas da taglia giassan a perder.

Ed in ulteriur argument da la partida cunter l’iniziativa: la definiziun da la lètg sco cuminanza dad um e dunna na sa cunvegnia betg cun la tenuta socialliberala da la PBD.

Er cleramain na di la PBD a l'iniziativa «Nagina speculaziun cun nutriment». Quell’iniziativa na saja betg realistica e nunnecessaria.

RR novitads 16:00