Siglir tar il cuntegn
cuntegn

Svizra Pausadis pon era vender alcohol

Suenter 50 onns duai il scumond vegnir abolids. En l'avegnir duain ils pausadis da las autostradas dastgar vender alcohol. Quai ha decidì il Cussegl naziunal cun approvar ina moziun da sia cumissiun da traffic.

Curuna cun alkohol.
Legenda: Pausadis pon en futur era vender alkohol. Keystone

Il Cussegl dals chantuns sto era anc approvar la moziun che vul lubir la vendita d'alcohol sin pausadis. Fin ussa han dubis da segirtad salvà il scumond vertent ch'exista dapi 50 onns. Per la maioritad paisa ussa dentant la libertad da concurrenza dapli.

Ristgs

Philipp Hadorn da la PS ha remartgà che mintga 8avel accident capitia pervia d'alcohol. Ina retschertga dal Post da consultaziun svizzer per la prevenziun d'accidents haja mussà che 82 pertschient dals dumandads èn cunter la vendita d'alcohol sin pausadis.

Il pievel na vul betg abolir il scumond.
Autur: Philipp HadornPS / Soloturn

Il Cussegl federal sustegna la moziun. La gronda part dals accidents succedia betg sin autostradas mabain sin vias localas. Tenor la ministra da traffic Doris Leuthard saja là era bler pli simpel da cumprar alcohol. La gronda part dals accidents sin autostradas hajan da far cun surpassaments da sveltezza.

RR novitads 12:00