Siglir tar il cuntegn

Svizra Pausa da chauma tar la SDA

La chauma na saja dentant betg a fin – però sulettamain interrutta, communitgescha la federaziun professiunala Impressum. Collavuraturas e collavuraturs reprendan dentant il venderdi suentermezdi per interim lur lavur.

Pliras persunas en in biro grond
Legenda: Suenter che la chauma da la SDA è sistida il mument, è la vita puspè turnada en ils biros. Keystone

La redacziun da la SDA fa la resalva da cuntinuar cun la chauma. Ella pretenda ch’il cussegl d’administraziun da la SDA sa mussia tar las proximas tractativas averta per las cundiziuns da la redacziun, scriva il sindicat Impressum.

Tar ina radunanza nua che bunamain tut ils commembers da la redacziun eran preschents, ha ina gronda maioritad dals redacturs e da las redacturas da la SDA decis d’interrumper la chauma. L'offerta da tractativas dal cussegl d'administraziun vegn beneventada.

I dependa da las tractativas

La pli impurtanta pretensiun da la redacziun da la SDA è ch'il cussegl d'administraziun retiria las desditgas. Tut tenor sco las tractativas sa sviluppeschan vegn la radunanza da la redacziun a decider, sche las premissas per la pasch sociala è puspè dada.

RR novitads 16:00