Il tenor da la critica en la consultaziun è ch'ils giuvens e las famiglias da la classa mesauna patessian il il pli fitg. Cun sia proposta vul il Cussegl federal simplifitgar il sistem da sanadad cun stritgar franchisas da 1'000 e 2'000 francs, e sbassar il rabat maximal da premias.
Persunas ch'elegian ina franschisa pli auta giajan damain tar il medi. Talas persunas stoppian ins promover e betg chastiar, uschia santésuisse e l'associaziun dals medis FMH.
Custs da sanadad creschan permanent
Ils custs da sanadad en Svizra s'augmentan vinavant; ed uschia era las premias da las cassas da malsauns. Cun quai quinta era l'Institut da perscrutaziun da la conjunctura KOF da l'ETH Turitg. Surtut en il sectur ambulant creschian ils custs fermamain chatschads dal progress medicinal. Per l'onn che vegn quinta il KOF cun in augment da 3,5% - il 2017 da bunamain 4%.
RR novitads 09:00/14:00