Siglir tar il cuntegn

Svizra Pauc gust d'infurmaziuns e bassa fidanza

Il nov report politic dad easyvote sut la Federaziun svizra dals parlaments dals giuvens mussa cleramain: la cuntrada mediala che sa mida spert ed las discussiuns da novitads faussas «fake news» laschan fastizs tar ils giuvenils svizzers.

Tavla cun scrit si «easyvote».
Legenda: easyvote vul promover la participaziun politica da giuvens creschids. Keystone

Areguard temas politics na s'infurmeschan giuvens betg mo pli pauc ma els han era in problem da fidanza.

Surtut las medias han ina posiziun difficila: tar temas politics sa fidan ils giuvenils il pli pauc da schurnalists. La fidanza en schurnalists è tar 17 % entant che quella en il Cussegl federal è tar passa 50 %. Dentant vul la giuventetgna infurmaziuns e quellas duain esser neutralas.

La fidanza vegn tar ils giuvens tendenzialmain adina pli pitschna, ma che quella è uschè bassa ha fatg star stut.
Autur: Cloé Jansgfs.Berna

La furmaziun politica resta impurtanta per giuvens e giuvnas. Quai mussa il studi. E atgnamain saja l’interess era qua, dentant va quel enavos en tut las tematicas.

Politica ed instituziuns ston uss vegnir activas e svegliar l'interess tar ils giuvens.
Autur: Zoë Maireeasyvote

Plitost l’interess per la politica svizra vegn adina pli pitschna. Quest è gia il terz onn che quel sa diminuescha. Pli grond è quel per la politica da l’exteriur. Tematicas sco l’elecziun dal president american.

RR novitads 17:00