Patruns era responsabels per annullaziuns d'emprendissadis

Annullaziuns da contracts d'emprendissadi èn il pli savens la raschun pertge che 10% dals giuvens creschids na cuntanschan betg in certificat da scolaziun.

Giuvna en biro da posta

Legenda da maletgs: L'attest professiunal federal è vegnì introducì il 2004. Keystone

Quai resulta dal rapport da trend che l'observatori svizzer per la furmaziun professiunala ha preschentà. Ad ina dieta vegn discutà ils motivs e las consequenzas d'annullar in contract d'emprendissadi. En Svizra vegnan 20 fin 25% dals contracts annullads anticipadamain, ils pli blers en l'emprim onn d'emprendissadi. 50 fin 77% dals emprendists cuntinueschan lur furmaziun entaifer dus fin trais onns.

RR novitads 15:00