Il president da l'associaziun svizra da bankiers, Patrick Odier, sa retira suenter 7 onns en uffizi. Sco quai che la cumissiun dal cussegl d'administraziun communitgescha hajan ins gia cummenzà cun la tschertga dad in successur.
Patrick Odier ha 61 onns ed è er president dal cussegl d'administraziun da la banca Lombard Odier Co sco era partenari senior e participà a la gruppa Lombard Odier. Dasperas è el er anc in dals trais vicepresidents da Economiesuisse.
