Passa 20 milliardas francs gudogn per assicuranzas socialas

Il quint general da las assicuranzas socialas svizras serra il 2013 cun in gudogn da passa 20 milliardas francs. Sulet l'assicuranza da malsauns ha nudà in pitschen deficit.

 Il chapital da las assicuranzas socialas ha surpassà il 2013 per l'emprima giada 800 milliardas francs.

Legenda da maletgs: Il chapital da las assicuranzas socialas ha surpassà il 2013 per l'emprima giada 800 milliardas francs. Keystone

Las entradas da las assicuranzas socialas muntan a 169,5 milliardas francs e las expensas sin 149,2 milliardas. Quai resulta da la survista da l'Uffizi federal per las assicuranzas socialas. Las entradas èn s'augmentadas pli ferm. Il chapital da las assicuranzas socialas ha surpassà il 2013 per l'emprima giada la summa da 800 milliardas francs.

RR novitads 15:00