Siglir tar il cuntegn
cuntegn

Svizra Pass enavant per «Cargo sous terrain»

Ils iniziants han ramassà 100 milliuns francs e pon cuntinuar cun la planisaziun.

Cars electrics che l'interprera "Cargo sous terrain" vul duvrar per transportar rauba tranter las citads grondas da la Svizra.
Legenda: Davent dal 2045 duain tals cars electrics transportar la rauba tranter las citads grondas da la Svizra. Keystone

A Berna ha l'interpresa «Cargo sous terrain» preschentà il stan da las lavurs ed annunzià ch'els hajan survegnì empermischuns da finanziaziun en l'autezza da 100 milliuns francs.

Cunquai adempleschan els in criteri impurtant da la Confederaziun. Per che lezza dettia glisch verda e preschentia ina lescha correspundenta aveva ella pretendì da cumprovar che l'economia privata sustegna il project.

Investiziuns da 33 milliardas

Davent il 2045 duai in emprim tunnel colliar ils magasins e centers da logistica en la regiun da Härkingen, chantun Soloturn cun la citad da Turitg. Pli tard duai ina rait da tunnels da 450 km colliar las citads grondas da la Svizra. En ils tunnels duai la rauba vegnir transportada en chars electrics ed ina pendiculara che funcziuneschan automatic. Uschia saja pussaivel da reducir il dumber da camiuns pesants per 40 pertschient, dian ils iniziants. Els quintan cun investiziuns da 33 milliardas francs.

RR actualitad 12:00