Il Cussegl federal ha elegì la dunna da 48 onns sco successura da Yves Rossier che vegn ambassadur a Moscau. Baeriswyl è il mument vicedirectura da la direcziun per dretg public dal departament. La nova secretaria da stadi lavura gia dapi 16 onns per il Departament da l'extern. Dal 2005 enfin il 2008 è ella stada responsabla per dumondas da la politica da segirezza e da l'extern en la missiun da la Svizra tar l'UE a Brüssel. Suenter è ella stada enfin l'onn 2013 scheffa dal team politic en la missiun svizra tar l'ONU a New York.
Sco quai che l'EDA communitgescha surpiglia Pascale Baeriswyl ses nov post l'emprim da december 2016.
RR novitads 12:00