Siglir tar il cuntegn
cuntegn

Svizra Pascal Koradi nov schef da la Banca chantunala da l'Argovia

Il schef da finanzas da la Posta svizra Pascal Koradi daventa il nov CEO da la Banca chantunala da l'Argovia. Tenor la Banca succeda el a partir dal terz quartal da quest onn a Rudolf Dellenbach. Koradi è actualmain era commember da la direcziun da la posta.

Pascal Koradi ha 43 onns ed è il mument anc schef da finanzas da la Posta svizra.
Legenda: Pascal Koradi ha 43 onns ed è il mument anc schef da finanzas da la Posta svizra. Keystone

Atgnamain avess l'ex-schef da la banca Coop Andreas Waespi duì daventar il nov schef da la banca chantunala d'Argovia. El ha ussa però in scumond da lavur da 3 onns pervi da manipulaziuns dals curs.

RR novitads 12:00