Siglir tar il cuntegn

Header

audio
Cravals a Son Gagl – er questa fin d'emna sa prepara la polizia
Or da Actualitad dals 09.04.2021.
laschar ir. Durada: 2 minutas 32 Secundas.
cuntegn

Partys illegalas Polizia sa prepara

Cun in sentiment main bun va la polizia vers la fin d’emna. Suenter ch'i ha da la fin d’emna da Pasca cravals tar ina party illegala a Son Gagl èn era puspè annunziadas partys illegalas per questa fin d’emna. Betg mo a Son Gagl – numnadamain en diversas citads da la Svizra.

«Nus na savain anc adina betg declerar dil tut co quai ha pudì dar talas scenas en nossa citad principala», di il cusseglier guvernativ da Son Gagl e president da la conferenza chantunala da la s directuras e directurs da gustia e polizia.

Var 1'000 giuvenils s’han inscuntrà la fin d'emna passada a Son Gagl. La situaziun è escalada: Chaussas èn vegnidas messas en flommas e molotowcocktails èn vegnids bittads en direcziun da la polizia. Quella ha reagì cun ballins da gumma e perfin in helicopter è sta èn acziun. Igl èn purtrets che han chaschuna tar bleras e blers pel da giaglina.

Las acziuns da polizia da las ultimas duas fins d'emna a Son Gagl han chaschunà custs d'in mez milliun. Tiers vegnan donns da material da 50’000 francs.

E puspè vegn clamà a Son Gagl per ina party illegala per venderdi saira. Dentant er en autras citads svizras vegn clamà per questa fin d’emna a partys illegalas – per exempel a Turitg e Winterthur.

President da la conferenza chantunala da la s directuras e directurs da gustia e polizia e cusseglier guvernativ SG
Legenda: Fredy Fässler: President da la conferenza chantunala da la s directuras e directurs da gustia e polizia e cusseglier guvernativ SG Keystone
La polizia emprova tut per evitar ch'i dat cravals. Dentant noss corps da polizia èn da principi betg organisads d'esser cun tantas persunas en acziun mintga fin d'emna.
Autur: Fredy Fässler President da la conferenza chantunala da la s directuras e directurs da gustia e polizia e cusseglier guvernativ SG

Tiers vegn che sceptichers da corona vulevan demonstrar questa sonda ad Altdorf en il chantun Uri. Il chantun Uri n’ha dentant betg lubì la demonstraziun. Tuttina vegn clamà sin divers chanals dad ir ad Altdorf. La polizia sa prepara en tut la Svizra di Fredy Fässler.

Pledader da medias da la polizia chantunala GR
Legenda: Roman Rüegg: Pledader da medias da la polizia chantunala GR Keystone

Sco en tut la Svizra persequitescha era la polizia en grischun la situaziun cun attenziun conferma il pledader da medias da la polizia chantunala Roman Rüegg.

Nus observain la situaziun en tut la Svizra fitg precis e reagin tut tenor situaziun. Nus essans era en contact cun la polizia da la citad da Cuira.
Autur: Roman Rüegg Pledader da medias da la polizia chantunala GR

Saja quai Roman Rüegg ni Fredy Fässler; Omadus speran ch'ils purtrets da las fins d’emna passadas na sa repetan betg

RTR actualitad 12:00

Artitgels legids il pli savens