Svizra - Parts da la citad da Turitg eran senza electricitad
Grondas parts da la citad da Turitg èn stadas radund 2 uras senza electricitad. A Turitg è l'electricitad puspè avant maun. I funcziuna tut puspè normal ha communitgà l'EWZ.
La sutstaziun Letten da l'ovra electrica èra crudada ora pervi d'in cirquit curt. Passa 21'000 attatgs a Wipkingen, Höngg ed Unterstrass han gì nagina forza electrica, scriva l'EWZ. Era parts da la staziun principala e parts da la citad veglia da Turitg èn stadas pertutgadas. Uss funcziuna puspè tut normal.
