La PS per exempel vul dar puspè schlantsch a l’economia cun in program d’investiziuns da pliras milliardas. Ils daners duajan ir surtut en sanaziuns d’edifizis, il svilup d’energias regenerablas, l’infrastructura digitala ed en il sectur da la sanadad. Quai ha ditg il schef da la fracziun socialdemocratica, Robert Nordmann al «Sonntagsblick».
La presidenta da la PLD, Petra Gössi, percunter vul schluccar las mesiras ch’il Cussegl federal ha decis. Dapli fatschentas duain puspè pudair avrir per che l’economia possia puspè sa revegnir.
Il cusseglier federal Alain Berset da sia vart ha franà las aspectativas. En la «Sonntsgzeitung» ha el ditg ch’i saja illusoric fa schluccar las mesiras cunter il corona fin ils 20 d’avrigl.
Sindicats pretendan decisiuns
Talas discussiuns possian ins pir far cura ch'ina haja chattà ina soluziun per lavurants ch'èn spezial en privel e ch'ins possia resguardar tut las prescripziuns da sanada. Ils sindicats sajan ensemen cun patruns vid tschertgar ina soluziun. Il Cussegl federal haja variantas sco schliar il problem. Mesemna che vegn stoppia el lura finalmain decider.
