L’emettur privat Teleclub ha cumprà ils dretgs d’emetter a partir da la stagiun 2018/2019 ils gieus da la Chamions League en Svizra. Uschia confermà Teleclub in rapport da la gasetta «Blick». Sur dals detagls dal contract na datti naginas indicaziuns.
Tuttina sco en ils pajais vischins
Era en noss pajais vischins ston ins gia uss pajar per pudair guardar ils gieus da ballape a la televisiuns. Uschia en Germania, l’Austria, la Frantscha e l’Italia. Qua possedan adina emetturs uschenumnads «Pay-TVs» gia ils dretgs per la Champions League.
Il mument n’èsi anc betg propi cler sche SRF po tuttina sco partenari pitschen almain emetter intgins dals gieus da la Champions League.
RR novitads 17:00