Siglir tar il cuntegn

Header

cuntegn

Svizra Parter collavuraturs fa senn

Il Grischun ed il Tessin tiran ina bilantscha positiva dal project da partger collavuraturs.

Il consorzi dal chantun Grischun e dal Tessin èn cuntents cun l'andament dal project. Hotels ed ustarias profiteschan cunquai ch'els pon adina puspè engaschar il medem team per la stagiun. Il project è schizunt nominà per il premi d'innovaziun da Arge Alp.

20 interpresas partgan collavuraturs

Il mument cumpiglia il project 20 interpresas da la gastronomia e da l'hotellaria en il Grischun e Tessin. Cun quest project vulan ins promover l'uschè-numnada «Sharing Economy» en il turissem da stagiun. Quai vul dir: Tras la cooperaziun da hotels vulan ins porscher ina perspectiva per l'entir onn als collavuraturs - tenor il motto: La stad al lai, l'enviern en las muntognas.

Sin fundament da las bunas experientschas è vegnida fundada ier ina uniun cun il num «Mitarbeiter-Sharing». Quai saja ina consequenza logica dal svilup dal project, annunzian ils manaders dal project.

RR novitads 16:00

Artitgels legids il pli savens