Siglir tar il cuntegn

Header

video
La radunanza da delegads da la PCD
Or da Tagesschau dals 09.11.2019.
laschar ir. Durada: 1 minuta 9 Secundas.
cuntegn

Parolas da votaziun PCD e PVL èn cunter l'iniziativa per dapli abitaziuns pajablas

Ils delegads e las delegadas da la Partida cristiandemocratica han la sonda refusà cleramain l'iniziativa da l'associaziun da locataris per dapli abitaziuns pajablas. La decisiun è crudada cun 117 cunter 29 vuschs e 4 abstenziuns. Per la maioritad da la partida purtass l'iniziativa ina memia gronda influenza dal stadi sin il martgà d'abitaziuns.

Ils verd-liberals han refusà l'iniziativa per dapli abitaziuns pajablas cun 105 cunter 17 vuschs tar 11 abstenziuns. Lur argumentaziun è che quella na valiteschia betg endretg il martgà d'abitaziuns cun grondas differenzas regiunalas. En bleras regiuns dettia avunda abitaziuns libras e pajablas. En pli haja il parlament gia rinforzà la construcziun d'abitaziuns cun auzar il Fonds de Roulement.

Schlargiar norma penala d'antirassissem

Cleramain Gea han ditg ils delegads e las delegadas da la PCD per schlargiar la norma penala d'antirassissem – quai cun 125 cunter 18 vuschs ed 8 abstenziuns. Il project da votaziun prevesa ch' era appels per odi e discriminaziun pervi da l'orientaziun sexuala, duajan esser chastiabels.

Cun 131 vuschs per e 3 abstenziuns han er ils verd-liberals ditg cleramain Gea tar il project da votaziun per schlargiar la norma penala d'antirassissem. La PVL vul s'engaschar per che transumans ed interumans vegnan protegids da discriminaziun dolorusa.

Omadus projects van en votaziun ils 9 da favrer.

RR novitads 15:00

Artitgels legids il pli savens