Siglir tar il cuntegn

Header

Navigaziun

Il Cussegl dals chantuns a Berna.
Legenda: Il Cussegl dals chantuns less spargnar tar l'agid al svilup. Keystone
cuntegn

Svizra Parlament paja 11 milliardas per agid al svilup

Ils proxims 4 onns duai la Svizra prestar agid al svilup en la valita da 11,11 milliardas francs. Il parlament a Berna ha deliberà ils credits da rom per la collavurazun internaziunala. Uss è la fatschenta pronta per la votaziun finala.

Las 11,11 milliardas n'èn dentant tuttina anc betg fixas, ils proxims dis decida il parlament numnadamain davart il program da stabilisaziun. E las mesiras da spargn pudessan tutgar fermamain l'agid al svilup.

Ils daners per l'agid èn repartids sco suonda:

Repartiziun dals daners per l'agid

Agid al svilup
CHF 6,6 milliardas
Agid umanitar
CHF 2,1 milliardas
Collavuraziun economica
CHF 1,1 milliardas
Agid per ils stadis da l'ost
CHF 1 milliarda
Mesiras per promover la pasch e segirtad
CHF 0,3 milliardas

Focus sin la migraziun

Il cumbat cunter la paupradad è vinavant la finamira principala. Sper quella è era la migraziun in tema impurtont en la collavuraziun internaziunala da la Svizra. In das sis francs duai avair da far cun la migraziun. Directamain en furma d'agid d'urgenza ed indirectamain en furma d'engaschi a lunga vista per ils motivs da la migraziun.