Siglir tar il cuntegn

Header

Antenna per la telefonia mobila ed in tecnicist.
Legenda: La telefonia mobila ha avantatgs e porta era novas pussaivladads. Mo ha ella era consequenzas negativas per la sanadad? Gist quai duai il Cussegl federal laschar intercurir. Keystone
cuntegn

Parlament federal Confederaziun duai intercurir radiaziun da la telefonia mobila

En il center da la moziun ch’il Parlament federal ha approvà stat la dumonda sche la radiaziun fa donn a la sanadad.

Las discussiuns davart la telefonia mobila e las schanzas e las ristgas da quella vegnan manadas a moda dira ed agitada. Savens manchia dentant la basa scientifica, vul dir analisas e retschertgas fundadas. Ch'i dettia dentant talas saja en l'interess da l'entira populaziun sco era da l'industria che veglia realisar novs projects, è stà d'udir en il Cussegl dals chantuns. I fetschia perquai era senn d'instradar tals projects e da finanziar quels ord las taxas da concessiun che la Confederaziun ha survegì da las interpresas da telecommunicaziun.

Cussegl federal è d'accord

Quest agir ha era la Cussegliera federala Simonetta Sommaruga beneventà. I saja impurtant da stgaffir confidenza en la populaziun, quai cun sclerir las dumondas avertas cun agid da la scienzia. Mo uschia possian ins prevegnir ad ina bloccada, ha ella ditg. Il Cussegl federal elavurescha ussa in project correspundent.

RTR novitads 17:00

Artitgels legids il pli savens

Scrollar a sanestra Scrollar a dretga