Cunquai che l'iniziativa dal pievel davart il secret bancar saja gia retratga, saja la cuntraproposta betg pli necessaria, argumenteschan ils parlamentaris. Il secret da bancas a l'intern da la Svizra resta numnadamain salvà era senza l'iniziativa u cuntraproposta, suenter ch’il parlament aveva refusà il november da render il dretg penal fiscal pli restrictiv.
L'iniziativa ha dividì ils cussegliers. Il Cussegl naziunal ha sustegnì l'iniziativa ed ina cuntraproposta, il Cussegl dals chantuns ha refusà omadus. L'iniziativa dal pievel era vegnida lantschada sco reacziun sin ils plans dal Cussegl federal da vulair rinforzar il dretg penal fiscal cun la finamira da fermar il secret bancar en la Constituziun.
RR novitads 12:00