Siglir tar il cuntegn
Inhalt

Svizra Parahotellaria: Quasi medem bleras pernottaziuns sco l'onn avant

Ils emprims trais mais da l'onn ha la parahotellaria svizra dumbrà total 4,7 milliuns pernottaziuns. Bun 72% da quellas èn da giasts indigens.

Foto d'ina chombra d'in alloschi da giuventetgna cun 10 letgs.
Legenda: Alloschis da giuventetgna han nudà bun 100’000 pernottaziuns damain en l’emprim quartal cumpareglià cun l’onn passà. Keystone

Ensemen cun la hotellaria dat quai 13,6 milliuns pernottaziuns dal schaner fin il mars 2017. Quai communitgescha l'Uffizi federal da statistica. Cumpareglià cun l'emprim quartal da l'onn passà è il nivel restà stabil.

Las pli bleras pernottaziuns da la parahotellaria derivan da las abitaziuns da vacanzas (3,2 milliuns pernottaziuns), suandà d'alloschis collectivs (1,4 milliuns pernottaziuns) e campadis (68’000 pernottaziuns). Las pernottaziuns sin campadis èn idas anavos per rodund 30% cumpareglià cun il medem temp da l’onn passà .

RR novitads 10:00