L'onn 2021 ha la parahotellaria gì 10,4% dapli pernottaziuns che anc l'onn avant. En cumparegliaziun cun il 2019 - pia l'onn avant la pandemia èsi dentant stà 2,1% pli pauc.
Chasas da vacanzas pli popularas ch'avant la pandemia
La gronda part da las pernottaziuns da la parahotellaria fan las chasas da vacanzas ora. Cumpareglià cun il 2020 è la dumonda creschida per 5,5% ed è cunquai era sur il dumber dal 2019. En media restan ils giasts 6,5 notgs en las chasas da vacanzas. La pli gronda è stada la dumonda per chasas da vacanzas en la Svizra Orientala e la regiun dal Lai da Genevra.
Boom da campar cuntinuescha
Cun 5,4 milliuns pernottaziuns sin ils campadis svizzers è la marca da 5 milliuns vegnida surpassada. Quai che è in nivel da record. Envers l'onn avant la pandemia il 2019 è quai in plus da 44,1%. Cunzunt ils Svizzers e las Svizras fan pli savens vacanzas sin ils campadis dapi lura. Tar ils giasts da l'exteriur hai perencunter dà in minus. Ils pli blers han fatg vacanzas sin ils campadis en il Tessin ed en la regiun dal Lai da Genevra. Era en il Grischun haì da in plus en cumparegliaziun cun ils onns avant sin ils campadis.
Ord l'archiv
L'onn passà han differents campadis u er persunas privatas installà plazs da campadis supplementars:
