Siglir tar il cuntegn
Inhalt

Svizra Panna da datas tar in'interpresa da taxi turitgaisa

Datas sensiblas dals clients da l'interpresa da taxi turitgaisa Yourtaxi èn stadas accessiblas libramain en la rait. La dumengia ha l'interpresa deactivà sia pagina d'internet.

Taxi.
Legenda: L'interpresa è sa perstgisa tar ils clients. Keystone

Datas sensiblas da plirs millis clients da l'interpresa da taxi Yourtaxi èn stadas accessibels per mintgin en l’internet. La dumengia ha l'interpresa lura deactivà la pagina ed è sa perstgisada tar lur clients via Twitter.

I na saja mai stà l'intenziun da far accessiblas datas sensiblas. L'interpresa veglia en ils proxims dis segirar lur sistem cunter attatgas da hackers.

Naginas datas da las cartas da credit

L'interpresa ha confermà che nums, adressas dad e-mail, sco er il lieu d'entrada e l'arrivada dals clients sajan stads accessibels en l'internet. Las infurmaziuns da cartas da credit na sajan dentant betg stadas accessiblas.

Scuvert la «fora da datas» aveva la gasetta «SonntagsBlick».

RR novitads 09:00