Siglir tar il cuntegn
Inhalt

Svizra Pajas minimalas en gastronomia creschan per 0,5%

Las pajas minimalas en il sectur da restauraziun crescha davent dal prim d’avrigl per radund 0,5%. Ils partenadis socials han annunzià oz ina decisiun da la dretgira da cumpromiss.

Purtret d'in tablar cun si glasa ed ina dunna che porta.
Legenda: En la gastronomia duain las pajas vegnir auzadas per 0,5% a partir da l'avrigl. Keystone

La dretgira da cumpromiss ha fixà la paja minimala per collavuraturs senza emprendissadi sin 3’435 francs. Collavuraturs ch’han fatg in emprendissadi survegnan minimalmain 4’849 francs. Per praticantas e praticants è la paja minimala vegnida fixada sin 2'190 francs.

L’onn passà n’eran las federaziuns dals patruns Gastrosuisse e Hotelleriesuisse betg sa cunvegnids cun las federaziuns da lavurants Unia, Syna e Hotel & Gastro Unuon sin novs pajas minimalas. Fertant ch'ils sindicats han vulì auzar las pajas per almain 2% han ils patruns vulì ina runda da nulla.

RR novitads 12:00