Siglir tar il cuntegn

Svizra Pajaments d'AVS en Serbia reglads da nov

La Confederaziun reglescha da nov ils pajaments da rentas d'AVS a la Serbia. Il Cussegl federal ha liberà il messadi nua ch'il parlament federal po decider davart ina cunvegna da las assicuranzas socialas.

Purtret da trais persunas veglias che sesan sin in baun ed tignan cannas enta maun.
Legenda: Ils pajaments da l'AVS cun la Serbia duain vegnir reglads da nov. Keystone

La cunvegna da las assicuranzas socialas duai coordinar l'AVS e l'AI en ils stadis pertutgads e reglar ils pajaments da rentas a l'exteriur. La cunvegna va pir en vigur cura ch'ils stadis pertutgads han dà il permiss. En la Serbia ed il Montenegro è quai gia il cas. En la Bosnia e la Erzegovina anc betg.

En Svizra vivan radund 67'000 Serbas e Serbs sco era radund 2'500 persunas da Montenegro. En Serbia vivan radund 2'200 Svizras e Svizzers, a Montenegro radund 100.

RR novitads 11:00