Siglir tar il cuntegn

Header

cuntegn

Svizra Ovras atomaras han furnì damain electricitad l'onn passà

Las tschintg ovras atomaras svizras han producì considerablamain damain energia l'onn passà. Cumpareglià cun l'onn avant saja la producziun sa reducida per radund 17%, communitgescha la gruppa d'experts da swisselectric.

L’onn passà èn las ovras atomaras svizras vegnidas utilisadas per 75,9%. Tut en tut han las ovras atomaras da Beznau, Leibstad, Gösgen e Mühleberg producì in terz dal basegn da forz’electrica en Svizra.

Revisiuns, interrupziuns ed autras temperaturas

La raschun per la reducziun da la capacitad envers il 2014 sajan d'ina vart stadas las revisiuns, modernisaziuns ed interrupziuns betg planisadas. Uschia aveva quai dà in’interrupziun al reactur 1 da l’ovra atomara Beznau.

Da l'autra vart hajan autas temperaturas da l'aua e l'aria sfurzà da sbassar la producziun.

RR novitads 12:00

Artitgels legids il pli savens