L'ovra atomara franzosa Fessenheim, che giascha radund 40 kilometers davent da Basilea, ha tschentà giu l'emprim da ses dus reacturs. Tenor il gestiunari duai quai era succeder cun il segund reactur fin la fin da zercladur 2020. La populaziun e la politica en la Regiun da Basilea ed en il Bundesland tudestg Baden-Württemberg avevan protestà onns a la lunga cunter il manaschi da la pli veglia ovra atomara en Frantscha.
Demontascha duai cuzzar fin 20 onns
Suenter la serrada cumenzan las preparaziuns per la demontascha da l'ovra atomara. Quellas duain cumenzar il 2025 e pon cuzzar fin a 20 onns. Sin quest areal duai silsuenter vegnir realisà in parc da mastergnanza.
RTR novitads 09:00
