Siglir tar il cuntegn

Svizra Ospitals svizzers han pretschs memia auts

En cumparegliaziun cun la qualitad dal tractament purschida èn ils pretschs memia auts, quai crititgescha il survegliader da pretschs Stefan Meierhans en sia newsletter publitgada.

In magnetresonanztomograf en acziun.
Legenda: La purschida dals ospitals na correspunda betg cun ils pretschs per las purschidas. Keystone

Cumpareglià cun la qualitad dal tractament han ils ospitals svizzers pretschs memia auts. Quai crititgescha il survegliader da pretschs Stefan Meierhans en sia newsletter publitgada. El sa basa sin datas da l'Organisaziun da cooperaziun e svilup economic en Europa.

Rata da mortalitad sco basa

L’OECD ha publitgà la rata da mortalitad da pazients sur 45 onns ch'èn vegnids en l'ospital pervi d’in ‘attatga dal cor e ch'èn morts entaifer 30 dis. Ina bassa rata da mortalitad munta ina buna qualitad da tractament. Pertutgant la rata da mortalitad è la Svizra en la media internaziunala. Pertutgant il pretsch è la Svizra dentant sin plazza dus gest davos ils Stadis Unids.

RR novitads 12:00