Ils ospitals en il chantun Vallais pudessan bainbaud vegnir a lur cunfins sch'i dat vinavant adina dapli cas da corona. Ils ultims dus dis saja il dumber da novas ospitalisaziuns mintgamai sa dublegià, quai ha communitgà il «Spital Wallis» ch'i dat en l'entir chantun.
Actualmain sajan 60 persunas en l'ospital pervi da Covid-19 – quatter da quellas persunas vegnan tgiradas intensiv. En la part franzosa dal chantun sajan quatter da 13 salas d'operaziun serradas pervi da cas da corona tar il persunal.
