Orange vul nov num

L’interpresa da telecommunicaziun Orange vul anc quest onn midar num. Tenor il schef d’Orange svizra Johan Andsjö saja l’interpresa gia radund in onn vi da ponderar sur d’ina midada dal num, gia avant che l’interprendider franzos Xavier Niel ha cumprà l’interpresa il december passa.

Co Orange vegna ad avair num en l’avegnir n’è betg anc cler.

Legenda da maletgs: Co Orange vegna ad avair num en l’avegnir n’è betg anc cler. Reuters

Quest pass saja surtut ina mesira logistica e pussibiliteschia in svilup da l’interpresa, scriva Orange svizra.

En il medem mument ha Oranga communitgà las cifras da l’onn passa. La svieuta è s’augmentada per radund 2 pertschient sin 1,32 milliardas francs, il dumber da clients novs e s’augmentà per radund 1 pertschient.

RR novitads 12:00