Optimar las stentas d’innovaziuns

La cumissiun per tecnologia ed innovaziun KTI vegn transfurmada en la cooperaziun da dretg public Innosuisse. Il Cussegl naziunal ha eliminà las davosas differenzas cun il Cussegl dals chantuns, uschia che la lescha è pronta per la votaziun finala.

In bajetg a Dübendorf.

Legenda da maletgs: A Dübendorf han ins inaugurà avant paucas emnas in nov bajetg per la perscrutaziun. Keystone

Il pensum da la Innosuisse vegn ad esser da garantir il transfer da savida tranter la perscrutaziun ed las interpresas, per che la Svizra restia cumpetitiva. Era duajan absolvents da scolas autas survegnir sustegn per la perscrutaziun scientifica, dasper il sustegn tras il Fond naziunal svizzer. Per far quai vul la Confederaziun impunder in zic dapli ch’in milliun francs ad onn.

Da la nova instituziun spetgan il Cussegl federal ed il parlament dapli transparenza, ina meglra direcziun e dapli flexibilitad. Ils custs restan en il rom da fin d’uss. Cunter la nova lescha era sa messa la PPS.

RR novitads 12:00