Siglir tar il cuntegn
cuntegn

Svizra Opposiziun cunter la repartiziun premias cassas da malsauns

La nova repartiziun da las regiuns da premias ch'il departament da l'intern propona per fixar las premias da las cassas da malsauns chatta mo pauc accoglientscha tar ils assicurads. Er d'intgins chantuns vegn critica. Perdiders sajan assicurads en territoris champesters.

diversas cartas da cassasda malsauns
Legenda: Per blers assicurads pudess la nova repartiziun augmentar massivamain las premias. Keystone

Quests assicurads en las cuntradas ruralas ston quintar cun ferms augments da premias, uschia hai num. Tenor santésuisse sajan pertutgads radund 3 milliuns assicurads. Quella populaziun stoppia pajair mintg'onn supplementarmain 300 milliuns francs ad onn. En las vischnancas Ermensee LU, Duggingen BL e Trub BE augmentass la nova repartiziun las premias tranter 10,5 e 14,7%. Quai ha calculà santésuisse.

Er en il Grischun avess la midada consequenzas.

A partir da l'auter onn na vul il departament da l'intern betg pli definir las regiuns da premias tenor vischnancas, mabain tenor districts. En intgins chantuns porta questa midada er ina reducziun da las regiuns da premias.

La consultaziun va a fin damaun.

RR novitads 12:00