Tar la surdada en il palaz d'Elysee ha il president franzos François Hollande numà Bertrand Piccard in inspiratur. Cun la distincziun ha Hollande undrà l'engaschament per l'ambient dal Svizzer. Ensemen cun ses co-pilot - Andre Borschberg è Piccard sgulà tranter mars 2015 e fanadur 2016 enturn il mund cun l'aviun solar «Solar Impulse 2».
Piccard da sia vart ha ludà Hollande per ses engaschament en il cumbat cunter la midada dal clima. Quai en in temp nua ch'ils Stadis Unids pudessa sa retrair da la cunvegna dal clima da Paris.
Per mai èsi pli impurtant da vegnir onurà per il messadi ch’jau hai vulì transmetter cun il sgol da Solar Impuls enturn il mund che per l’acziun sezza.
Sur ils cunfins da la Svizra
Piccard ha era accentuà ses plaschair, ch'il messadi da Solar Impuls haja effect sur ils cunfins da la Svizra. El saja stà fitg commovì sco la populaziun da la Frantscha e la pressa haja persequità il tema.
RR novitads 06:00